आदरणीय समर्थभक्त लीलाकाकू म्हणजे दा.स.अ. उपक्रमाचे माजी संचालक आदरणीय. स.भ.श्री वसंतराव (तात्या) गाडगीळ यांच्या सुविद्य पत्नी. ज्येष्ठ समीक्षक सौ. लीलाताई म्हणजे दा.स.अ. उपक्रमाचा आधारस्तंभ. कोणतीही शंका असो त्याचे समाधानकारक उत्तर त्यांच्या कडे असे, इतका त्यांचा अभ्यास होता.

• त्यांना प.पू अक्कास्वामींचा २० वर्षे सहवास मिळाला. आ. लीलाताई प. दा. अ. च्या पहिल्या तुकडीतील अभ्यासार्थी. तसेच विदर्भातील पहिल्या समीक्षक.

• दा.स.अ. च्या सुरवातीच्या अभ्यासार्थी आणि प.पू अकास्वामींच्या काळातील समीक्षक असणाऱ्या पंचकन्यामधील प्रमुख.

• सौ. लीलाताईनी दा.स.अ. समीक्षक म्हणून दीर्घकाळ काम पाहिले. त्यांच्या मार्गदर्शनाखाली सुमारे ५० अभ्यासार्थींनी २०० स्वाध्याय पूर्ण केले. दा.स.अ. चा पुरवणी अभ्यासक्रम त्यांनी तयार केला. ज्येष्ठ समीक्षक म्हणूनही त्यांनी मार्गदर्शन केले.

• सौ. लीलाताई या प्रभावी भागवतकार, प्रवचनकार, तसेच कीर्तनकार होत्या.

• त्यांची भागवत मकरंद, सज्जनगडावरील सायं उपासना, साधनेची प्रभात, शिवमहीम्न, दत्तात्रेय कवच, दासबोधातील सर्व समांसांचे सार सांगणारा भावसुमनांजली हा ग्रंथ ही पुस्तके प्रसिध्द झाली आहेत.